PUISI SUNDA

Melang

Hate teu bisa di bohongan
ieu raga muyung tungtung layung
ras emut ka salira anu nuju pundung

meusmeus melang ku hariwang
sok bilih anjeun teu mulang
mikeun cinta kanu lian

kuring teteng nganti-nganti
Piligenti wanci silih bintih nurih kapeurih
tapi keukeuh anjeun teu mulih
padahal kadeudeuh kuring tanpa pamrih

Kiamat Atuh.

peuting ieu simpe
lir ibarat simpena hate
kabayang raray salira
nyaliksik kana jiwa
tapi hate mah angger
teu bisa walakaya
sabab anjeun saurna aya nu boga

peuting ieu........
kuring ngan ukur bisa ninggali endahna langit
langit anu dipapaes ku bentang
jiga anu ngabeberah ieu manah

peuting ieu.......
kuring hayang rerendengan
sabab kuring kabita ku bulan nu keur paduduaan
bulan keur rerendengan jeung panon poe